JONEN ERROTULAGAILUAK

"Jon eta Gorka oso lagun onak dira, baina egun batzuetatik hona ez diote elkarri hitzik egiten. Jonek ez zizkion Gorkari errotulagailu lodiak utzi nahi izan, eta Gorkari horrek min handia eman zion.
- Baina zergatik ez dizkidazu utzi nahi?-galñdetu zion Gorkak ia-ia haserreturik.
- Gastatu egingo dizkidazulako; arduragabe hutsa zara, ziur nago tapoirik jarri gabe utziko dituzula, eta horrela lehortu egiten dira.-erantzun zion Jonek.
- Baina nik zuri beti utzi izan dizut eskatutako guztia, eta ez naiz sekula kexatu hura gastatu badidazu edo zerbait apurtu bazaizu.-esan zuen Gorkak-Gainera, behin, txokolatez beteta itzuli zenidan liburu bat, eta Holandako puzzleko pieza bat ere galdu egin zenidan.
- Bale, bada hemendik aurrera ez dizut ezer eskatuko, eta zuk ere ez eskatu niri.-proposatu zion Jonek.
Egun hartatik aurrera ez diote elkarri hitzik egin."

HAUSNARKETA:
- Gorkak eta Jonek ez dute ondo jokatu, ez batak eta ez besteak. Horregatik, orain ez diote elkarri hitzik egiten. Bietako nork jokatu du mesfidantzaz? Eta nork jokatu du gorrotoz?
- Ondo iruditzen al zaizu Jonek egindako proposamena, hau da, gehiago elkarri ezer ez eskatzea? Proposamen horrek adiskidetasuna indartu ala apurtu egin du?
- Azaldu nola konpondu beharko luketen Gorkak eta Jonek egoera hori.

OILOA EDO ARRAUTZA

KEPA ETA LAGUNENGAN DUEN KONFIANTZA

Kepa oso kezkaturik dago arazo batekin.
Lagunik onena, Jon, galdetu eta galdetu aritu zaio ea zer gertatzen zaion, baina Kepak ez daki zer egin. Lagunari egia esanez gero, ez daki Jonek beste inori kontatuko dion; eta gezurra esaten badio, gaizki sentituko da.

*Zure ustez, ba al du Kepak konfiantzarik lagunarekin? Zergatik? Zer esango zenioke Kepari?

MAITANE ETA TXANGOA

Maitaneren ikaskideak oso pozik daude jaiotzak ikustera doazelako.
Urko, Maitaneren ikaskidea, gaixorik dago eta hainbat egun daramatza etxean, eskolara joan gabe. Horregatik, Maitane irteerako bikoterik gabe geratu da.
Baina Asier, Maitaneren egoeraz ohartu, eta esan dio:
- Nahi al duzu jaiotzak ikustera elkarrekin joatea?
Maitanek baietz erantzun dio. Beraz, Maitane eta Asier irteerara elkarrekin joatekotan gelditu dira.
Baina, gaur goizean, Urko, hobeto dagoenez, eskolara etorri da, eta Maitaneren ondoan eseri da. Urko pozik dago Maitaneren ondoan, eta Maitane ez da ausartzen esaten Asierrekin geratua dagoela. Asier laster igoko da autobusera eta Maitanek ez daki zer egin.
ZER EGINGO ZENUKE MAITANE IZANGO BAZINA?

MARTA ETA PAULAREN ARTEKO ADISKIDETASUNA

Ikasturtearen hasieran, Marta eta Paula oso lagun onak ziren, baina orain dela egun batzuk haserretu egin ziren, Paulari ahaztu zitzaiolako patinatzera joatekoak zirela. Martak lagunaren zain eman zuen arratsalde osoa.
Marta minduta dago ,eta Paulak uste du huts egin diola lagunari eta, zerbait egin ezean, beren arteko adiskidetasun-hitzarmena hautsi egingo dela.
Paula prest dago bakamena eskatzeko  eta lagunari erakusteko berriz ere konfiantza izan dezakeela berarengan.

            - Zure ustez, fidatuko al da berriz Marta Paularekin? Zergatik?
            - Hitzarmenak eta konpromisoak berritu behar izaten al dira batzuetan? Zergatik?

PENTSATU HITZ EGIN BAINO LEHEN

HERRITARTASUNA UNITATE DIDAKTIKOAK. AGREGA. (10-12 URTE)

HERRITARTASUNA, Agrega Proiektuko Unitateak bildu ditugu Hirugarren zikloan lantzeko. Topatu ditugunak hauek dira:
1.- NI BESTEA NAIZ
2.- ETXEKO LANEN GARRANTZIA
3.- HAUSTURA DIGITALA
4.- INTERNET AROA: BAKEAREN ALDEKO KONPROMISOA
5.- LANA
6.- LANA PARTEKATU, DENBORA LIBREA BANATU
7.- MUNDUA ULERTZEKO: GIZA ESKUBIDEEN URRATZEAK
8.- KOMUNIKATZEKO MODU BERRIAK ETA SEGURTASUN SAREA
9.- GIZA ESKUBIDEAK
10.- GIZA ESKUBIDEAK GURE INGURUNE HURBILEAN
11.- KULTURARTEKOTASUNA
12.- LAUGARREN MUNDUA
13.- EMAKUMEA GREZIAR MITOLOGIAN
14.- GATAZKAK KONPONTZEKO ESTRATEGIAK: BITARTEKARITZA PROZESUA
15.- GIZARTEA ETA EMAKUMEA ERROMA KLASIKOAN
16.- OINARRIZKO TREBETASUN SOZIALAK
17.- BALORE DEMOKRATIKOAK
18.- EMAKUMEAK BAKEAREN ALDE
19.- GIZA ESKUBIDEAK ETA HAUR ETA GAZTEEN ESKUBIDEAK
20.- GIZA ESKUBIDEAK ETA DESGAITASUNA
21.- HIRITARTASUNA MUNDU GLOBALEAN
22.- NIRE BURUAREKIN ONGI MOLDATU. EMOZIO-GAITASUNA

UMERIK GABEKO HERRIALDEA

“Umerik gabeko herrialdea munduaz nagusituz doa eta gizateria osoaz jabetzen ari da. Zorionez, gizaki aldra batek, tartean zu zeu eta zeure lagunak, Lurra planeta tristura eta hondamenditik salbatzeko ahalmena daukazue. Zein izangoda zuen zeregina? Taldeka, zoriontsu izateko sei arlo garrantzitsuenak aukeratu behar dituzue. Aukeraketa horri esker, Lurra planeta salbatu ahal izango duzue”.

Ondoko gauza hauen guztien artean, zoriontsu bizitzeko sei garrantzizkoenak aukeratu behar
dituzue. Argudia ezazu zergatik erabaki duzun horrela.

1. liburuak                                              10. «gominolak»                         19. magia

2. jolasak                                              11. laztan eta musuak                   20. justizia

3. adiskideak                                          12. botikak                                 21. ondo lo egitea

4. elikadura                                           13. etxearen jabe izatea              22. barreak

5. beste pertsona batzuei laguntzea          14. jantziak                                23. fantasia

6. tolesgabetasuna, maltzurkeriarik eza     15. edertasuna                            24. eguzkia

7. ikastea                                              16. gauzak elkarbanatzea             25. telebista

8. elkartasuna, solidaritatea                    17. kirolak                                26. Beste batzuk...

9. familia                                              18. musika ................

Aukera guztiek arrazoituak izan behar dute. Jarduera amaitzeko, talde guztien ekarpenak bateratu eta garrantzizkoenak jasoko dira. Taldeek eginiko aukerez berba ere egin daiteke.

PINTURA LEHIAKETA

Leirek ilusio handia zuen pintura lehiaketa irabazteko, baina Xabierri eman diote saria. Irabazlea nor den ikusten duenean, bi aukera ditu Leirek: zorionak ematea edo kasurik ez egitea.
Zer egingo zenuke Leire bazina?

SARAREN KASUA

Sarak oso lagun jostaria dauka. Barre asko egiten du mutil horrekin, eta gustura egoten da.

Baina laguna haserretu egiten da Sara gelako beste lagun batzuekin jolasten duenean; eta, inork ikusten ez dituenean, txarto begiratzen dio, eta gauza mingarriak esaten dizkio.
Sarak inori kontatzen ez dioenez, ezin diogu lagundu.

-Zer iruditzen zaizu Sararen lagunaren jarrera?
-Zergatik ez du kontatzen Sarak zer gertatzen zaion? Egokia al da arazoei buruz hitz egitea? Zergatik?
-Nori kontatu beharko lioke Sarak zer gertatzen zaion, lagun bati, gurasoei edo irakasleei?
-Zer egin dezakegu, lagun bat gaizki portatzen denean gurekin?

2O EUROAK

 

Egun batean, klasean, ikusten dut ikaskide bati sakeletik 20 euroko bilete bat erori
zaiola. Haren ondoan esertzen denak biletea oinarekin inguratu eta gorde egin du.
Hasieran ez nekien txantxetan-edo ari ote zen, baina gero jolas-orduan, dirua galdu
zuena galdezka ari da eta “inork ez daki deus”, ezta biletea gorde zuenak ere.
Zer egingo zenuke?

LAPURRETA KASU BAT

Institutuan etengabe lapurretan ari dira. Jasaileak lehen kurtsoko ikasleak dira eta

zerbait egiten badute kalte handiagoak jasoko dituztela mehatxatu dituzte.

Gurasoak eta irakasleak guztiz haserre daude gertatzen ari denarekin, baina inork

ere ez daki erasotzaileak nor diren eta, beraz, zaila da behar diren neurriak hartzea.

Institutua itxi eta ikasle guztiak arakatzeko mehatxua egin dute.

Mariak, 3. mailako ikasleak, lapurrak ezagutzen ditu. DBHko 4. mailako ikasle

ba-tzuk dira eta haien buru egiten duena neskaren adiskidea. Adiskide horri esan

dio lapurretan aritzea oso gaizki dagoela eta, batez ere, lehen mailakoak mehatxatzea;

buruzagiak erantzun dio adiskide izaten jarraitu nahi badu neska sar dadila

bere aferetan, ez bestetan.

Maria pentsatzen ari da dakiena esan behar duen, guztientzat desatsegina den

egoera horri behin betiko bukaera emateko. Baina salatzen baditu, bere laguna,

ikasle ontzat hartzen dutena, kanporatuko dute, horren larriak baitira gertakariak;

baina isiltzen bada, kaltea handiagoa izan daiteke.

Zer egingo zenuke zuk Maria bazina? Zergatik?

IMANOLEN KASUA

Imanol kezkatuta dabil orain dela aste gutxi bideo-kontsola utzi ziolako Ainhoari, eta honek ez diolako itzuli. Neskaren ustez, Imanolek oparitu egin zion. Imanolek ez daki zer egin; jokoa eskatzen  badio, Ainhoak gaizki hartuko luke, eta , agian, haserretu ere egingo litzateke. Gaizki ulertuarekin jarraitzea erabakitzen badu, jokorik kuttunena galduko du eta, gainera, azalpenak eman beharko dizkio amari.
Zuk, zer egingo zenuke?

IÑIGOREN KASUA

Iñigo eta familia hondartzan egoten dira larunbat-igandeetan. Asteburu honetan, Iñigok lagun bati, Nekaneri, egin dio gonbita. Goiz osoan aritu dira basoan etxola bat eraiki nahirik. Arratsaldean bizikletan ibili dira, gero film bat ikusi dute zinema-aretoan eta, azkenean, lotara joan dira. Iñigok, argia itzali baino lehen, otoitz egiteko ohitura du, baina gaur ez daki zer egin. Otoitzean hasten bada, agian Nekanek barre egingo dio.
Zuk, zer egingo zenuke?

DANIELEN KASUA

Eskolan Elisari egokitu zaio irakurtzea. Elisak zailtasunak ditu irakurtzeko, eta oso geldi irakurtzen duenez, ikaskideak urduri jarri dira.
Ikaskide batek, barre egiteko, honela esan dio:
    -Elisa, dordoka herrena ematen duzu!
Denek barre egin dute, eta Elisa gorri gorri jarri da. Elisak, berehala, bere adiskide Danieli begiratu dio, baina hura ere barrezka ikusi du.
Daniel hala ikusita, negarrari eman eta ikasgelatik irten da Elisa.
Daniel konturatu egin da, eta bat-batean utzi dio barre egiteari. Baina gainerakoek jarraitu egin dute.
Eskola amaitzean, Danielek ez daki zer egin.

     *Elisari barkamena eskatzen badio, seguru asko Elisaren konfiantza berreskuratuko du, baina gainerakoek iseka egingo diote.
     *Barkamena eskatzen ez badio, seguru asko Elisa ez da bere laguna izango. Baina gainerakoek ez dute alde batera utziko.

Zer egingo zenuke zuk? Zergatik?

MARKOREN KASUA

Egun batean, Markok azokara lagundu zion amari. Sarreran gazte batzuk zeuden, uholdeak suntsitutako herri batzuen alde dirua biltzen.

Etxerakoan, Markok ezin zuen burutik kendu zein triste izan behar duen etxerik eta arroparik gabe geratzeak eta edateko urik er ez edukitzeak.

Ez bat, ez bi, itsulapikoa zabaldu zuen. Hura miseria! Han ez zegoen hogei zentimo besterik! Zer egin?

Orduan anaiaren itsulapikoari begiratu zion eta pentsatu zuen: "Anaiari dirua eskatzen badiot, ez dit emango, seguru. Eta ezer esan gabe hartzen badiot? Ez da konturatuko. Itzuli egingo diot poliki-poliki asteko eskupekotik".

Eta halaxe egin zuen. Anaiaren itsulapikoa zabaldu, eta txanpon batzuk hartu zituen.

Azokara joan eta txanpon guztiak eman zizkien diru biltzaileei.

Orain Markok ezin du lo egin, dilema bat duelako: zergatik sentitzen da gaizki, elkartasun kanpainan parte hartuta ondo jokatu badu? Bestalde, anaiari egia esaten badio, haren konfiantza galduko duela uste du. ZER EGIN BEHAR DU?

RAFAREN KASUA

"Lagun  batek  urtebetetze-festara  gonbidatu  du  Rafa.  Rafak badaki lagunari ilusio handia egingo liokeela bere futbol-taldean horma-irudiak, arratsaldero egoten baita  hari  begira  kirol-dendako  irakuslehioan.
Amak 3 euro eman dizkio Rafri, horma-irudia erosi eta lagunari oparitzeko. Baina dendan esan diote 4 euro balio duela. Hori arazoa! Rajak ez dauka diru nahikorik aldean!

Zer egin dezake?
     -3 euro balio duen beste opari bat erosi.
     -Etxera itzuli eta itsulapikotik euro bat atera, (inori ezer esan gabe), horma-irudia erosteko.
     -Ezer erosi ez, eta lagunari esan dirurik ez daukala.